Դեմքն ոչ միայն տարիքի, այլև առողջության ու կենսակերպի հայելին է: Այն արտացոլում է ձեր հույզերը, զգացմունքներն ու ապրումները, որով և դուք ներկայանում եք շրջապատին: Միաժամանակ այն ունի բազմաթիվ թշնամիներ, որոնք բացասաբար են ազդում մաշկի թարմության ու գեղեցկության վրա:

    Դեմքի առաջին թշնամին, դեմքն անտեսելն է: Եթե ուզում եք հաղթել ժամանակին, պիտի ճանաչեք մաշկի թշնամիներին:

    1-Արևի վնասակար ճառագայթներ,

    2-Մաշկի ջրազրկում,

    3-Սխալ դիետաներ,

    4-Ծխախոտ,

    5-Ստրես,

    6-Երկրի ձգողական ուժ,

    7-Մկանների առաձգականության կորուստ:

    Առաջին 6-ի դեմ պայքարելու համար ունենք համապատասխան ձևեր, սակայն մկանների առաձգականության կորուստի դեմ կարող են պայքարել դեմքի մերսումն ու յոգան:

    Երբ մի մկան «աշխատում» է, այն դառնում է ավելի ամուր:

    Երբ մի մկան «դիմադրում» է, այն դառնում է ավելի ուժեղ:

    Անշարժ մկանը կուտակում է ցելուլիթ, կորցնում է իր առաձգականությունն և դեմքի մաշկն սկսում է թառամել: Դեմքի մկաններն, ինչպես մարմնի որևէ այլ մկան, կարիք ունեն ձգվելու, թարմանալու, մարզվելու և կենսատու թթվածին ստանալու: